Генерал Кіпрыян Кандратовіч

1. Лявон Лаўрэш. "Міністр Беларускай Народнай Рэспублікі генерал ад інфантэрыі Кіпрыян Кандратовіч". Біяграфічны нарыс — Ліда, 2007. 44 с.  PDF, 5,88 MB
   На "Камунікаце" http://kamunikat.org/522.html

2. General K.Kandratowicz. Генерал Кіпріян Кандратовіч    "Спадчына" №1 - 2002 г.
3. Minister of defense general K.Kandratowicz. Міністр БНР, генерал Кіпрыян Кандратовіч  "Наша слова" № 9(596), 10(597), 11(598), 2002 г.
4. General K. Kandratowicz and Belarusian Popular Republic. Генерал Кіпріян Кандратовіч на службе БНР.   "Наша Слова" № 10 (645), 17 сакавіка 2004 г.
5. General Kiprian Kandratowicz. Генерал Кіпрыян Кандратовіч   "Лідскі летапісец" №4(32) 2005г. 
6. New about general K. Kandratowicz. Крэскі да біяграфіі генерала К. Кандратовіча   “Наша Слова” № 40 (828) 10 КАСТРЫЧНІКА 2007 г.

                                                   Герояў БНР не забывае Беларусь

Пад 25 сакавіка лідскі краязнавец Лявон Лаўрэш выдаў кнігу пра аднаго з міністраў Беларускай Народнай Рэспублікі генерала ад інфантэрыі Кіпрыяна Кандратовіча.

 Імя Кіпрыяна Кандратовіча доўгі час замоўчвалася. Лічылася, што ён памёр недзе ў Парыжы, а генерал жыў у сваім маёнтку Гародна Лідскага павету, а пасля смерці быў пахаваны на лідскіх праваслаўных могілках.

Кніга Лявона Лаўрэша падсумоўвае ўсе ранейшыя напрацоўкі і публікацыі на гэтую тэму і разам з тым ставіць шэраг пытанняў. Добра, мы вярнулі з бяспамяцтва яшчэ аднаго дзеяча БНР, але побач з Кандратовічам на беларускай ніве ў 1918-20 гадах дзейнічалі генералы Пажарскі, Багдановіч, палкоўнік Камароўскі. Яны таксама чакаюць сваіх даследчыкаў, і, будзем спадзявацца, дачакаюцца.

Магчыма святло на асобы гэтых беларусаў пральюць дзённікі генерала Кандратовіча, якія знаходзяцца недзе ў Англіі, хаця ніхто пакуль не ведае, які перыяд тыя дзённікі кранаюць. Генерал пісаць умеў, ён адзін з аўтараў кнігі “Плеўна і грэнадзёры 28 лістапада 1877 г.”, супрацоўнічаў з газетай “Московские ведомости” у якасці вайсковага аглядальніка. Дасць Бог, Л. Лаўрэшу, а мо каму іншаму пашчасціць здабыць хаця б копіі тых дзённікаў, і, магчыма, у гісторыі БНР будзе прыадкрыта яшчэ адна невядомая старонка.

Наш кар.

"Наша Слова" № 12 (800) 21 САКАВІIКА 2007 г.