Вярнуцца: Metriciana T. 1.

Навіны News


Дадана: 26-06-2011,
Крыніца: Менск 2001.



Першы ўніверсітэцкі курс па Метрыцы ВКЛ

З 7 лютага 2001 г. на Гістарычным факультэце Беларускага Дзяржаўнага Універсітэта распачалося выкладанне спецкурсу "Метрыка Вялікага Княства Літоўскага". Курс вядзе вядомы метрыкант Валеры Мянжынскі. Паводле нашай інфармацыі - гэты першы і адзіны пакуль спецкурс па Метрыцы, які чытаецца ў Беларусі, а таксама ў суседніх краінах.

Колькасць акадэмічных гадзінаў курсу даволі вялікая - 50, з іх 42 гадзіны - ўласна заняткі. Апроч лекцыяў па знешняй і ўнутранай гісторыі Метрыкі ВКЛ, па яе вывучэнню і публікацыях праводзяцца практычныя заняткі - чытанне дакументаў Метрыкі, праца з кампакт-дыскам " Метрыка Вялікага Княства Літоўскага. Кніга 28 (1522--1552 гг.)". Слухачы курсу - даволі падрыхтаваная аўдыторыя. Гэта студэнты 5 курсу, якія спецыялізуюцца па кафедры "Гісторыя Беларусі старажытных часоў і сярэдніх вякоў". Ініцыятыва чытання спецкурсу сыходзіла ад кіраўніцтва Гістарычнага факультэта БДУ. Мяркуецца, што выкладанне спецкурсу "Метрыка Вялікага Княства Літоўскага" працягнецца ў наступным годзе.

A. Dz.

 
Top
[Home] [Library] [Maps] [Collections] [Memoirs] [Genealogy] [Ziemia lidzka] [Наша Cлова] [Лідскі летапісец]
Web-master: Leon
© Pawet 1999-2009
PaWetCMS® by NOX