Глыбокае. Самыя раннія выяўленыя намі звесткі пра царкву Св. Мікалая, угодніка Божага, у Глыбокім адносяцца да ХІХ ст. Час яе пабудовы невядомы. Глыбоцкая (Глэмбоцкая) царква згадваецца ў "Ведомости о церквах, церковных фундушах, имениях … митрополичей литовского-виленской епархии …" за 1811 г. [1] Пры ёй была прыпісная царква на могілках ў вёсцы Гершты, заснаваная ў 1816 г. мясцовымі сялянамі [2]. У Нацыянальным гістарычным архіве Беларусі ў г. Гродна ёсць дакумент ад 22 лістапада 1834 г. "Справа па прашэнні святара Глыбоцкай царквы Ядкоўскага аб перадачы касцёла скасаванага Шейбакпольскага Францішканскага кляштара ў прыхадскую Глыбоцкую царкву" [3].
[1] Описание документов архива западнорусских униатских митрополитов. Т. 2. СПб., 1907. С. 681.
[2] Материалы для географии и статистики России, собранные офицерами Генерального штаба. Виленская губерния. СПб., 1861. С. 550.
[3] Нацыянальны гістарычны архіў Беларусі ў г. Гродна. Ф. 1, воп. 27, спр. 712.