Ракавічы. Самыя раннія звесткі аб царкве Раства Багародзіцы ўзыходзяць да 1515 г., калі пад храм была адведзена зямля і на ёй збудавалі драўляную царкву. Ішлі дзесяцігоддзі і стагоддзі, храм прыходзіў у нягоднасць. Таму ў 1754 г. мясцовы абшарнік Макрыцкі фундаваў пабудову новай драўлянай царквы. У ёй захоўваўся абраз найсвяцейшай Багародзіцы з надпісам на грэцкай мове, які, паводле падання, з'явіўся на грушы ў садзе Макрыцкага, "дзе і была першачаткова пабудаваная царква", і лічыўся цудадзейнам [1].
1876 г. адзначаны з'яўленнем новага царкоўнага будынка, які, струхлелы, у 1910 г. быў заменены на цагляны.
[1] Материалы для географии и статистики России, собранные офицерами генерального штаба. Виленская губерния. СПб., 1861. С. 551.