Адным з вядомых беларускіх інтэлектуалаў ХХ ст., творчая спадчына якога сёння выклікае вялікую зацікаўленасць, з’яўляецца Тамаш Грыб — палітык, філосаф, гісторык і дакументаліст беларускага руху. У 2017 г. частка яго твораў была выдадзена. Але па-ранейшаму, у розных архівах захоўваюцца шматлікія дакументы і лісты Тамаша Грыба, якія патрабуюць глыбокага аналізу і ўвядзення ў навуковы зварот.