Папярэдняя старонка: Кніга запісаў № 43

С.68. Привилей пану Лукашу Ленскому на мыто от мосту ... 


Дадана: 26-11-2005,



Стар 68

21. 1556.05.08

Привилей пану Лукашу Ленскому на мыто от мосту и гати в ыйменю его Кгойцунишках на реце Жижме и на корчму в том же именью.

Жыкгимонътъ Авъгустъ, Божъю м(и)л(о)стью корол полский, великий князь литовский, руский, пруский, жомойтский, мазовецкий и иных.

Чинимъ явно симъ нашимъ листомъ.

Поведилъ передъ нами ложничый нашъ, державца жосленский и дуниловичский, панъ Лукашъ Ленский. Ижъ што которое именье дворъ на имя Кгойцунишъки з ласки нашое г(о)с(по)д(а)ръское дали есмо ему, на што онъ и листъ, данину нашу, в себе маеть. Ино, дей, на тое именье его Кгойцунишъки великая дорога гостинецъ до места нашего Виленьского и до инших местец идеть з Кгереноенъ, з Девенишокъ, и з Германишокъ и з ыные некоторые месть посторонних. Которыми проезды тые, хто тамъ оными дорогами едеть, не могучи подъ часъ за великимъ поводьемъ черезъ реку Жижму, которая подъ дворомъ его Кгой// [24 аде.]цунишски есть, перееждчати, новые дороги сеножатьми и польми его собе покладають, и тежъ на греблю млына его, который онъ на той реце Жижме маеть, обеждчають, за чимъ онъ яко в потоптанью сеножатей и збожъя [в] полях своие и въ покаженьи гребли своее немалую шкоду приймуеть. Для чого жъ билъ онъ намъ чоломъ, абыемо ласку нашу г(о)с(по)д(а)ръскую вчинили а дозволили ему в томъ именью его Кгойцунишкахъ на реце Жижме ку лепшому переезду кождому, хто тамъ тым гостинъцомъ дорогами до тых месть вышеймененые ехати мелъ, мостъ збудовати и тамъ же отъ того мосту гать подъ домы слухъ (2) путных того жъ именья его Кгойцунишъского на имя Михайловичи на реце Войшалце справити, и за тотъ накладъ его мостового и отъ тое гати, хто тамъ поедеть, отъ кождого возу, в которомъ два кони будуть по два пенези, а одъ воза однымъ конемъ по одному пенезю ему брати допустили.

А такъ, мы, г(о)с(по)д(а)рь, з ласки нашое на чоломъбите его то вчинили и для лепшого пере[е]зду подъданымъ нашимъ г(о)с(по)д(а)рьскимъ и князьскимъ, панскимъ и бояръскимъ яко стану духовъного, такъ и светского, хто бы тыми дорогами вышейописаными на тое именье его Кгойцунишъски ехати мелъ, на той реце Жижме мост збудовати и гать подъ домы тых слугъ его путных справити дозволили и тымъ листомъ нашимъ даемъ и дозволяемъ ему самому и его жоне, и их детемъ и напотомъ будучимъ щадкомъ их вечными часы. А за працу и накладъ их, хто тыми дорогами на тотъ мостъ и гать поедеть, мостового отъ гати отъ воза, наложоного збожемъ або которыми речми ку продажи везеными, в которомъ возе два кони будуть, по два пенези, а отъ воза однымъ конемъ по одному пенезю давати имъ мають. Ведъже подъ тымъ обычаемъ, ижъ кгды на той реце Жижме вода невеликая будеть, а переездъ рекою вольно можеть быти, тогды они старое дороги // [25] ку еханью доброволному забороняти имъ не мають, але вольно будеть кождому старою дорогою безъ жадного даванья мостового ехати.

2 Так у ркп., трэба чытаць слугь.

Стар 69

При томъ тежъ билъ онъ намъ чоломъ, абыхмо ласку нашу г(о)с(по)д(а)ръскую вчинили и в томъ же именью его Кгойцунишках корчму вольную мети и домъ гостиный тамъ же, при томъ мосте, надъ рекою Жижмою, збудовати ему допустили. А поведилъ передъ нами, ижъ тое именье его Кгойцунишки оподаль месть наших г(о)с(по)д(а)ръских есть и корчмамъ нашимъ тая корчма его на жадной переказе не будеть.

Ино мы з ласки нашое г(о)с(по)д(а)ръское на чоломъбитье его то вчинили: дозволили ему и тымъ листомъ нашимъ дозволяемъ и даемъ в томъ именьи его Кгойцунишках корчму волную збудовати и в ней медъ, пиво и вино горелое добровольно держати и тымъ безъ шкоды корчомъ наших шинъковати.

И маеть панъ Лукашъ Ленский и его жона, и их дети, и потомъки с тое коръчмы в томъ именьи своемъ Кгойцунишках платъ - капщизну, который бы тамъ с тое корчмы мелъ приходити, на себе брати и то вживати на вечные часы.

А на то дали есмо ему сесь нашъ листь з нашою печатью.

П[и]сан у Вильни, лет(а) Бож(его) нарожъ[енья] 1556, м(е)с(я)ца май 8.

Подпис руки короля его м(и)л(о)сти.

 
Top
[Home] [Maps] [Ziemia lidzka] [Наша Cлова] [Лідскі летапісец]
Web-master: Leon
© Pawet 1999-2009
PaWetCMS® by NOX