Вярнуцца: 2013

№ 08


Дадана: 11-09-2013,
Крыніца: pawet.net.

Спампаваць




“Маладосць” № 8

“Студэнты – творчы народ. Маладосць І іх памылкі часам маюць творчы характар. Прыкладам, задаю пытанне, чаму ў паэме Купалы «Магіла льва» народ, пахаваўшы Машэку, насыпаў яму вялікі курган? «Каб больш ніколі не падняўся», — адказвае студэнт. Выкладчыку не заўсёды такое прыйдзе ў галаву” — расказвае ў інтэрвью журналістцы Машы Дуброўскай выкладчык Пятро Васючэнка.
“Стасункі паміж грамадствам і беларускай мовай павінны быць як у трапяткіх каханкаў — ён і яна, дзе ён — гэта беларуская мова і культура ўвогуле, а яна — грамадства, прычым, цнатлівае, якое пакуль яшчэ яго не спазнала. То бок пранікненне беларускай мовы ў грамадства павінна быць пяшчотным, павольным, удумлівым, з лёгкімі стогнамі”, — разважае на старонцы новай рубрыкі телевядучы Дзяніс Дудзінскі.
“Пад печчу ў хаце – гэта на бягучыя расходы. А калі трэба на ярмарцы нешта прыдбаць, то імкнуліся схаваць запасы падалей. Можна ў двары пад вокнамі, але суседзі падгледзяць. Ішлі тады ў хлеў, да жывёлы. Самае добрае месца! Бо жывёлы – коні, гусі – гаспадара добра ведаюць, а калі чужы хто прыйдзе, то наробяць шуму. Улічвайце яшчэ абставіну, што скаціну трэба было паіць, асабліва цяжка было насіць ваду для жывёлы ў зімовы час. Таму калі дом стаяў на ўзвышэнні, то хлеў размяшчаўся бліжэй да вады. Капальнікі гэта ўлічваюць: яны шукаюць не толькі на самым версе, дзе прыгожы камень ляжыць, а і бліжэй да якога-небудзь балота або крынічкі”, — дзеліцца сакрэтамі скарбашукальніцтва калекцыянер Віктар Какарэка.
“Нават самы вялікі раман — гэта толькі таленавіта падабраныя камбінацыі з 32-х літар”, — канстатуе студэнтка Віялета Рычага. Такая вось яна — свежая “Маладосць”. Чытайце яе, калі ласка.

 
Top
[Home] [Library] [Maps] [Collections] [Memoirs] [Genealogy] [Ziemia lidzka] [Наша Cлова] [Лідскі летапісец]
Web-master: Leon
© Pawet 1999-2009
PaWetCMS® by NOX