Герб горада Ліды, наданы 17 верасня 1590 г.
Анатацыя:
У чэрвені 2023 г. былі праведзенны даследаванні падводнай драўлянай канструкцыі ў воз. Дзерба, побач з помнікам археалогіі “гарадзішча Маскавічы” (каля в. Маскавічы Слабодкаўскага с/с Браслаўскага раёна Віцебскай вобласці). Згаданая канструкцыя была выяўлена падчас падводнага абследавання акваторыі воз. Дзерба удзельнікамі дайвінг-клуба “Марскі пегас”. Лакалізацыя канструкцыі, характарыстыкі яе памераў і марфалагічныя асаблівасці ініцыявалі шэраг дыскусій адносна яе функцыянальнага прызначэння.
Была пастаўлена задача ўзняць на паверхню драўляны элемент канструкцыі з мэтай вызначэння яе храналогі. Разам з тым, гэтыя працы з’яўляюцца нагодаю зноў нагадаць звесткі пра мікрарэгіён Маскавічы, выкарыстаць новыя методыкі падводных даследаванняў і правесці дадатковыя архіўныя пошукі.
Дэндралагічны аналіз здабытай палі дае дзве кантрасныя даты – 1613 г. ці 1870 г. Гэты аналіз зроблены на падставе вывучэння адной палі, здабытай са дна.
Наяўныя іканаграфічныя матэрыялы не даюць падставы датаваць выяўленую падводную канструкцыю ХІХ ст. Гістарычныя ж і дэндрахраналагічныя матэрыялы дазваляюць дапусціць, што падводная канстркуцыя была створана ў першай чвэрці XVII ст. – у перыяд гаспадарчага росквіту Браслаўскага Прачысценскага манастыра.
Dziarnovich A., Likhachou A. An unknown underwater object in the Braslav region: research problems and prospects for study. Science and Innovations. 2025;(11):57-64.
Артыкул ў PDF