Герб горада Ліды, наданы 17 верасня 1590 г.
С. 164
1562.04.05/1565.09.02
Апавяданне («сознанье») перад Жыгімонтам Аугустам і зачытанне «листа записного» харунжага земскага ВКЛ, двараніна каралеўскага, пана Себасцъяна Мікалаевіча Траццяка аб тым, што ён перадае пасля сваей смерці дзве часткі бацькоускіх маёнткаў у Лідзе і Бержах на суму у тысячу залатых жонцы Альжбеце Ерданауне.
Лет(о) Бо.ж(его) наро.ж(енья) 1565, м(е)с(я)ца сент(ябра) 2 дня.
Г(о)с(по)д(а)ръ король его м(и)л(о)сть и великий княз Жи кгимонт Августъ рачилъ казати до книгъ его м(и)л(о)сти г(о)с(по)д(а)ръскихъ канъцлере/ускихъ записати.
Ижъ
пришедши объличъне
перед его королевъскую м(и)л(о)сть дворенинъ его королевское м(и)л(о)сти, панъ Миколаев
ич Собес
тяновичъ
2 Тре
тякъ созналъ и поведилъ то
перед его королевъскою м(и)л(о)стью. Ижъ онъ, узнавъши ку себе верную м(и)л(о)сть и на всемъ повольное, цнотъливое в малъженьстве претивъ собе захова
не малъжонъки своее пани Альжъбеты Е
рдановны, зъ закличимя, што онъ, хотечи
ей, малъжоньце свое
й,
[37] приязню своею нагородити и о
тда
ти, // самъ по своей доброй воли записалъ
ей по животе своемъ две части именей своихъ отъчизныхъ и материстыхъ, то есть у Лиде и в
Бержах, в певной суме п(е)н(е)зей в чотырохъсотъ копахъ грошей личъбы литовъское. На што онъ и листъ свой записный
под печатью и с
подписю руки своее, и тежъ
под печатьми никоторыхъ вра
дниковъ его королевъское м(и)л(о)сти дворныхъ преречоно
й малъжонъце своей далъ.
Который листъ. он перед его королевъскою м(и)л(о)стью показывалъ и просилъ короля его м(и)л(о)сти, абы его королевъская м(и)л(о)сть, припустивъши то ку ведомости своей г(о)с(по)д(а)ръской тое сознанье и оповеданье, и тотъ листъ его записный до книгъ его м(и)л(о)сти г(о)с(по)д(а)ръскихъ канъцлерейскихъ росказать записати рачи л. Который же листъ Со бестяна Третяка слово отъ слова такъ ся в себе маеть:
2 У слове Собес тяновичъ апошн ія пяць літар узяты у дужкі, трэба чытаць Собес тян , гл. ніжэй тэкст дакумента.
С. 165
«Я, Собестянъ Миколаевичъ Третякъ, хоружичъ земъский Великого Князства Литовъского, дворенинъ его королевъское м(и)л(о)сти, вызнаваю и чиню явно симъ моимъ листомъ, кому будеть потреба того ведати.
Ижъ есми дознавъши доброе, повольнее, статочъное захованье в малъженьстве малъжонъки моее милое Алжъбеты Ердановъны, зъ закличимя и, хотечи тое вызнати и вперед поволнейшую, даю и симъ листомъ нашимъ записую по животе моемъ вперо д менованой жоне моей, моей Алжъбете, две части именей своихъ отъчюныхъ и материстыхъ у Лиде и в Бержахъ, которые на мене з делу отъ братьи моей прийти мають, в певно суме п(е)н(е)зей в тисечу золотые, то есть в чотырохъсотъ копахъ грошей литовъскихъ, личечи в кожъдый // грошъ по десети п(е)н(е)зей.
Мает жона моя, Алжъбета, по животе моемъ две части оныхъ именей моихъ помененыхъ зъ землями пашными дверными, зъ сеножатьми, з бояры путъными, з людми тяглыми и ихъ земълями, и сеножагьмн, з млыны, з реками, з озеры, зъ ставы у моцъ свою вземъши, зо всими пожитъки и влажностью в той суме п(е)н(е)зей в чотырохъсотъ .копахъ грошей держати и вживати до отъданья тое сумы п(е)н(е)зей отъ братьи и отъ близкихъ моихъ.
А братья и никоторые близкие мои у две части тыхъ именей моихъ, отъ мене ей записаныхъ, хотя бы она и замужъ пошла, не отъдавъши ей тое сумы п(е)н(е)зей, ничимъ ся уступовати и переказы жадное в держанью тыхъ двухъ частей чинити не мають. И кгды братья и близкие мои тую суму п(е)н(е)зей чотыриста копъ грошей сполъна ей отдадуть и заплатять, тогды на онъ час повинъна она будеть две части тыхъ именей имъ поступити.
А для лепъшое твердости сего моего листу, заховываючи во дле уфалы сеймовое, оповедилъ и объявилъ то г(о)с(по)д(а)ру королю его м(и)л(о)сти и великому кн(я)зю Жикгимонъту Августу, пану нашему м(и)л(о)стивому. Которого сознанья и выпис с книгъ ей, жоне моей, данъ.
И на то семи далъ сес мой листъ под моею печатью и с подписю руки моее.
А при томъ были и того добре сведоми, и за прозбою моею печати свои к сему моему листу приложити рачили ихъ м(и)л(о)сть: панъ Остафей Воловичъ, ма ршало к дворный, по дска рби й земъски й, писар г(о)с(по)д(а)ръский, державца могилевъский; панъ
С. 166
Ян Шимъковичъ, ма ршалокъ и писар г(о)с(по)д(а)ръский, [38] староста тыкотиньский; // панъ Янъ Миколаевичъ Гайко, пи сар г(о)с(по)д(а)ръский, конюший городеньский, дер(жавца) ошмяньский, утеньский и красносельский; а панъ Миколай Нарушевичъ, писаръ его королевъское м(и)л(о)сти, державца марковъский и мядельский.
Писа н у Вильни, лет(о) Бож(его) нарож(енья) тисеча пятьсотъ шестьдесятъ второго, м(е)с(я)ца апрел пятого дня».
А такъ его королевъская м(и)л(о)сть того добровольно сознанья и оповеданья пана Себестяна Третяка и теж листу его записного выслухавъши, и ку ведомости своей г(о)с(по)д(а)ръской то припустивъши, рачилъ казати до книгъ его королевъское м(и)л(о)сти канъцлярейскюг записати. На што и выпис с книгъ под печатью его королевъское м(и)л(о)сти паней Собестяновой Третяковой, паней Альжбете Е рдановне есть данъ.
Писанъ у Горо дне.