Герб горада Ліды, наданы 17 верасня 1590 г.
У "Лідскай газеце" ад 18 лютага 2015 года было надрукавана фота уваходу у "Лідсельмаш" (тады, праўда, ён інакш называўся). Карэспандэнты
пыталіся, ці памятае хто гадзіннік над брамай. Так, гісторыя гэтага прадпрыемства вельмі цікавая. Завод гэты звязаны с лёсам майго бацькі і
знаходзіўся за вуліцай Пастаўскай, на канцы сённяшней вуліцы Савецкай, якая калісьці называлася Віленскай. Вывучаючы гісторыю лідскіх габрэяў, а таксама забудову вуліц Віленскай, Свярдлова у рамках праекту "Народжанныя ў Беларусі", я задалася пытаннем: "А хто заснаваў адно з найбуйнейшых прадпрыемстваў нашага горада"?
25 ліпеня 1900 года габрэй Юдаль Лейба Мендзялеевіч Шапіра падаў прашэнне у Віленскую губернскую управу аб будаўніцтве у горадзе ліцейнага завода. У 1901 будаўніцтва было завершана. Перад Першай сусветнай вайной завод належаў да сыноў Юдаля-Лейба, братоў Эбера і Якава Шапіраў. Завод выпускаў конныя прывады, малатарні, сячкарні, плугі, чыгунныя крыжы для помнікаў.
Цікавыя дакументы знаходзяцца у нашым школьным архіве (на фотаздымках з прэйскурантамі відаць, што завод называўся "Чыгунна-ліцейны і машынабудаўнічы завод" і яго прадукцыя атрымала 12 медалёў на розных выставах! На фотаздымках прэйскуранта нават ёсць адрас для тэлеграм: "Лида, Шапиро-Литейный»). У 1939 годзе завод быў нацыяналізаваны і перайшоў ва ўласнасць дзяржавы.
Сёння на падворках Ліды, а менавіта у мікрарайоне СШ № 5 можна сустрэць высокай якасці прадукцыю завода братоў Шапіраў: сячкарні, плугі…У цяперашні час завод называецца ААТ «Кіруючая кампанія холдынгу «Лідсельмаш» выпускае 51 найменняў сельскагаспадарчай тэхнікі, у тым бульбапасадкавую і бульбапрыбіральную тэхніку і з'яўляецца часткай нашай агульнай гісторыі. Вялікі ўклад ўнеслі габрэі ў развіццё прамыловасці нашага горада. Аб гэтым я распавяла на другой абласной краязнаўчай навукова - практычнай канферэнцыі "Край Гарадзенскі" у красавіку гэтага года і атрымала дыплом 2 ступені.
Новік Валерыя, старшыня савета дружыны "Спадчына" СШ № 5 г. Ліды