Папярэдняя старонка: Паэзія

Дадана: 07-10-2011,
Крыніца: Ад Лідскіх муроў №7. Ліда, 2011.

Спампаваць

Нарадзілася ў 1989 годзе ў Лідзе, скончыла СШ №17, навучаецца ў БДУ па спецыяльнасці "Журналістыка". Друкавалася ў "Лідскай газеце", "Прынёманскіх вестках", складанцы вершаў "Шануйце роднае слова!"

* * *

У чароўных поцемках ночы

Вандруе па вуліцах восень.

Я заплюшчу цёмныя вочы,

Не плачу, табе падалося.

У далонях свой твар схаваю,

Каб твой прывід не здагадаўся,

Я цябе зусім не кахаю,

Толькі нейкі смутак застаўся.

А за вокнамі павуцінне,

Лёгка так у паветры крочыць,

І адзіны сябра гадзіннік

Так глядзіць на мокрыя вочы.

А вакол так цёмна і ціха,

Сэрца нешта пякуча просіць,

На цябе б зірнуць толькі крыху,

Не плачу, табе падалося...

 

Top