Папярэдняя старонка: Калекцыі

Храмы Лідчыны на фотаздымках Яна Балзункевіча. Пачатак ХХ ст.

Дадана: 12-05-2003,
Крыніца: 'Хрысціянскія Храмы Беларусі. На фотаздымках Яна Балзункевіча. Пачатак ХХ стагодзя'. Мн., 2000..

в. Асава, касцёл. Пабудаваны ў 18 ст., народнае дойлідства, не захаваўся, на гэтым месцы зараз неагатычны касцел пачатка ХХ ст.

г.п. Астрына, Спаса-Праабражэнская царква, пабудавана ў 1855 г., эклектыка з элементамі класіцызму і псеўда-рускага стылю.

в.Беняконі, Касцёл Яна Хрысціцеля. Пабудаваны ў 19 ст. у стылі народнага дойлідства, не захаваўся.

в. Васілішкі, Касцёл Св.Яна Хрысціцеля. Пабудаваны ў 1769 г. пры кляштары дамініканцаў. З 1832 г. перароблены ў праваслаўную царкву. У 1919 г. вернуты каталікам. Помнік позняга барока.

в. Гайцюнішкі, Капліца. Пабудавана ў 1633 г. як кальвінскі збор і пахавальня сям'і Нонхартаў. Помнік рэнесансу. Захавалiся развалiны.

в. Геранёны, Касцёл Св. Мікалая. Пабудаваны ў 1519 г. У 1779 г. пасля пажару адрамантаваны на сродкі Яна Пробача. Помік позняга барока і класыцызму.

в. Германішкі, Касцёл Прасвятой Тройцы. Збудаваны ў 1886-1909 г. з бутавага каменю. Помнік неаготыкі.

в. Дзікушкі, Царква. Пабудаваны ў 1840 г. з цэглы як унiяцкая. Помнік позняга класыцызму. Зараз-правасла ўная царква.

в. Дуды, Касцёл Нараджэня Найсвяцейшай Дзевы Марыі. Пабудаваны ў 1772 г., драўлянае барока.

г.п. Жалудок, Касцёл Ушэсця Найсвяцейшай Дзевы Марыі. Пабудаваны ў 1854 г. архітэктарам Каралям Падчашынскім. Помнік позняга класыцызму.

в. Жырмуны, Касцёл Адшуквання Святога Крыжа. Храм пабудаваны Каралінай Радзівіл у 1789 г. паводле праекта архітэктара Яна Падчашынскага. Помнік класіцызму.

в. Забалаць, Касцёл Св. Пятра і Паўла. Пабудаваны ў 1803-1812 гг. Помнік класіцызму.

г.п. Іўе, Касцёл апосталаў Пятра і Паўла. Пабудаваны ў 1787 г. на месцы драўлянага храма 1600-1633 г. Помнік ранняга барока.

в.Ішчална, Касцёл Прасвятой Тройцыю. Пабудаваны ў 1758 г. на месцы папярэдняга храма 1670-1678 г. Помнік позняга барока.

в.Канвелішкі, Касцёл Найсвяцешага Сэрдца Ісуса. Пабудаваны ў 1808 г. Помнік драўлянага дойлідства з рысамі стылю барока.

в.Лаздуны, Касцёл святых Сымона і Тадэвуша. Пабудаваны ш ХІХ ст. у традыцыях народнага дойлідства. не захаваўся, на яго месцы ў 1904-10 гг. узведзены мураваны касцёл.

г. Ліда, Касцёл Піяраў . Будавалася на працягу 1797 -1825 гг. як касцёл св. Іосіфа пры кляштары піяраў. У 1863 г. перароблена на праваслаўную царкву. З 20-х гадоў ХХ ст. - зноў касцёл Піяраў.У 1960-я гг. будынак прыстасаваны пад планетарый. Зараз - праваслаўная царква. Помнік класыцызму.

г. Ліда, Касцёл Узвіжання Святога Крыжа (Фарны). Пабудаваны ў 1770 г. Мураваная агароджа з брамай паламаныя ў 70 г. ХХ ст. Помнік барока.

в. Мураванка (Малое Мажэйкава), Свята-Ражства-Багародзіцкая царква-крэпасць. Пабудавана ў 1527 г. Помнік абарончага дойлідства гатычнага стылю.

г.п. Наваельня, Свята-Ражства-Багародзіцкая царква. Пабудавана ў 1876-1879 гг. паводле праекта арх. А.Лазінскага. Псеўда-рускі стыль.

в. Нача, Касцёл Ушэсця Найсвяцейшай Дзевы Марыі. Пабудаваны ў ХVІІІ ст. у традыцыях народнага дойлидства з рысамі барока. У пачатку ХХ ст. на гэтым месцы пабудаваны мураваны касцёл у неагатычным стылі.

в. Орля, Свята-Пакроўская царква. Пабудавана ў 1866 г. Псеўда-рускі стыль.

в. Радзівонішкі, Царква. Пабудавана ў 2-й палове ХІХ ст. Царква дзейнiчае.

в. Ражанка, Касцёл святых апосталаў Пятра і Паўла. Пабудаваны ў 1674 г. з цэглы і бутавага каменю. Перабудаваны ў 1924-25 гг. Помнік неаготыкі.

в. Старыя Васілішкі, Касцёл святых апосталаў Пятра і Паўла. Будаваўся у 1897-1907 гг. паводле праекта К.Вайцяхоўскага. Помнік неаготыкі.

в. Суботнікі, Касцёл святога Уладзіслава. Пабудаваны ў 1904-07 гг. па фундацыі графа Умястойскага. Помнік неаготыкі.

в. Сурвілішкі, Касцёл Прасвятой Тройцы. Першапачатковы касцёл быў пабудаваны ў 1550г. па фундацыі Розы Гайкоўскай і яе братоў Івана і Антона, цяпер існуючы-у 2-й палове XVIII ст. з дрэва.

в. Турэйск, Свята-Мікалаеўская царква. Пабудаваны ў 1875 г. на месцы папярэдняга уніяцкага храма. Псеўда-рускі стыль.

г. Шчучын, Касцёл Св. Тэрэзы. Пабудаваны ў 1826-29 гг. па фундацыі князя Ксаверыя Друцкага-Любецкага пры кляштары піяраў. Помнік класыцызму.

г. Шчучын, Свята-Міхайлаўская царква. пабудавана ў 1863г. Псеўда-рускі стыль.

Top

[Home] [Maps] [Ziemia lidzka] [Наша Cлова] [Лідскі летапісец]

Web-master: Leon
© Pawet 1999-2009
PaWetCMS® by NOX